Everest Azerbaycanca Dublaj izle. Everest zirvəsini fəth etmək, peşəkar və ya həvəskar olmasından asılı olmayaraq hər bir alpinistin arzusudur. Ancaq dəniz səviyyəsindən 8848 metr yüksəklikdə yerləşən nöqtəyə çıxmaq heç də bütün alpinistlərə nəsib olmur. Real hadisələr əsasında lentə alınmış ekran əsərində məhz uğursuzluğa düçar olmuş və ölümlə nəticələnən belə ekspedisiyalardan birindən bəhs olunur. Təcrübəli bələdçi və təlimatçı Rob Holl növbəti alpinist qrupunu toplayaraq planetin ən hündür zirvəsinə yola düşür. Onların hər biri cəsarətli, dəmir iradəli insanlardır və Everestə qalxmayınca təslim olmaq fikrində deyillər. Zirvəyə qalxa bilsələr belə, onların sağ-salamat geri dönə bilməsi sual altındadır.
