Tanosun Sonsuzluq daşlarını ələ keçirib canlıların böyük hissəsini məhvə düçar etməsindən beş il ötür. Qisasçıların çox hissəsi bu qırğından sağ çıxa bilməyib, sağ qalanlar isə əzizlərini və dostlarını itirib. Tor Tanosdan qisas alsa da, itirilmişləri qaytarmaq artıq mümkün deyil. Bununla belə Qarışqa adam vəziyyəti yaxşılığa doğru dəyişmək üçün riyaziyyat və kvant fizikası sahəsində dahi olan Toni Starka (Dəmir adam) maraqlı bir ideya verir. Onlar “zaman maşını” yaradıb, keçmişə qayıtmalı və Sonsuzluq daşlarını Tanosdan qabaq ələ keçirməlidirlər. Yalnız bu yolla superqəhrəmanlar kütləvi qırğının qarşısını alıb, kainatda davamlı asayışı təmin edə bilərlər...
