Birinci hissədə (Bumer) baş verən hadisələrin üzərindən dörd il vaxt ötür. Ölkədə (Rusiyada) həyat kökündən dəyişib. 90-cı illərin “çılğınlığı” və boz reallığı artıq başa çatıb. Əyri və ya düz, biznes çiçəklənir, bir vaxtlar qanundan kənarda olanlar legitim sahibkarlara çevrilib. “Qaqaşlar” artıq yeni bumer modellərini sürür. Bu arada baş qəhrəman Konstantin Oqorodnikov (Kot) vaxtından əvvəl həbsdən azad edilir. Dostlarının faciəvi ölümü “Kot”un həyata baxışını dəyişir. O hər şeyi yeni səhifədən başlayıb, normal həyata qayıtmaq istəyir. Ancaq bundan əvvəl dostunun xatirinə bir nəfəri tapmalıdır. On yeddi yaşlı Daşa ilə görüş onun bütün planlarını alt-üst edir...
